प्रहर खबर
 २०७९ भाद्र ३, शुक्रबार    

यस्तो छ मत बदर हुने अवस्था र मतदाताको कर्तव्य

२०७९ बैशाख १८, आईतबार २२:०३ बजे

हेटौंडा – स्थानीय तहको निर्वाचन(बैशाख ३० गते) आउँन दुई हप्ता भन्दा कम समय बाँकी छ । विभिन्न पाटी तथा स्वतन्त्र उम्मेदवारहरु भोट माग्न घर दैलो र मतदाता भेट घाटमा ब्यस्त छन् । उनीहरु मत माग्ने मात्र होइन, आफुलाई भोट हाल्ने कसरी भनेर सिकाउँछन् पनि । तर पनि मत बदर भने भएको पर्याप्त रहेको विगतको निर्वाचनको तथ्याङ्कमा हेर्न सकिन्छ ।

मतपत्र बदर हुने अवस्था । निर्वाचनको सन्दर्भमा मतदाताले देहायका कर्तव्य पूरा गर्नुपर्छ । निर्वाचनको सन्दर्भमा सामाजिक सञ्जाल प्रयोग गर्दा ध्यान दिनुपर्ने कुरा तल उल्लेख गरिएको छ ।

मतपत्र बदर हुने अवस्था

मतदाताले मत संकेत गर्दा विचार पु¥याएर मतदान गर्नुपर्छ अन्यथा मत बदर हुन्छ ।
– सम्बन्धित मतदान अधिकृतको दस्तखत नभएको,
– औँठाछाप लगाई वा आयोगद्वारा निर्धारित स्वस्तिक चिह्न बाहेक अन्य चिह्न वा छाप लगाई मत सब्केत गरिएको,
– मत सब्केत चिह्न नबुझिने गरी लतपतिएको वा च्यातिएको,
– उम्मेदवारको निर्वाचन चिह्न रहेको कोठामा मत सब्केत नगरी अन्यत्र मत सब्केत गरिएको,
– उम्मेदवार नरहेको निर्वाचन चिह्नमा मात्र मत सब्केत गरिएको,
– कुनैपनि उम्मेदवारको निर्वाचन चिह्नमा मत सब्केत नगरिएको,
– निर्वाचित गर्नुपर्ने संख्या भन्दा बढी उम्मेदवारको निर्वाचन चिह्न भएको कोठामा छुट्टा–छुट्टै मत सब्केत गरिएको,
– मत सब्केत नगरी मतदान अधिकृतलाई फिर्ता दिइएको,
– आयोगद्वारा निर्धारित मतपत्र बाहेक अन्य मतपत्रद्वारा मतदान गरिएको,
– मतपेटिका भन्दा बाहिर राखिएको,
– जाली मतपत्र ।

निर्वाचनको सन्दर्भमा मतदाताले देहायका कर्तव्य पूरा गर्नुपर्छ
– मताधिकारबारे आफूलाई जानकारी भएको विषय अन्य मतदातालाई जानकारी गराउने ।
– निर्वाचनमा खटिएका कर्मचारीलाई आवश्यक सहयोग पु¥याउने ।
– मतदानमा प्रतिकूल असर पार्न खोज्ने प्रवृत्तिलाई निरुत्साहित गर्ने र आफू पनि कुनै होहल्ला वा हुलदङ्गामा नलाग्ने ।
– मतदानको दिन कुनै दल वा उम्मेदवारको नाम, निर्वाचन चिह्न वा सब्केत भएको पहिरन, परिचयपत्र र व्याज नलगाउने ।
– मतदानको दिन सवारी साधन प्रयोग गरी आवत जावत गर्न वा कसैलाई पनि लाने वा ल्याउने कार्य नगर्ने तर शारीरिक रूपले अशक्त वा हिँडडुल गर्न नसक्ने मतदाताको लागि मतदान अधिकृतले तोकिदिएको सवारी साधन प्रयोग गर्न सकिने ।
– आचारसंहिता उल्लङ्घन भएको देखिएमा निर्वाचन आयोग, निर्वाचन अधिकृत वा निर्वाचनमा खटिएका कर्मचारीलाई जानकारी गराउनु पर्नेछ ।
– कसैले पनि अर्को मतदाताको नामको मतपत्र बुझिलिन वा अर्काको नामबाट मतदान गर्न हुँदैन । एउटै निर्वाचनका लागि एक भन्दा बढी पटक मतदान गर्न हुँदैन ।
– कसैले पनि मतदातालाई मतदान स्थलमा प्रवेश गर्न नदिन गौँडा वा बाटो छेक्न वा मतदान केन्द्रमा मतदान गर्न कुनै किसिमले बाधा अवरोध गर्न वा गराउन हुँदैन । यदि गरेमा कानून बमोजिम कारवाही हुनेछ ।

 निर्वाचनको सन्दर्भमा सामाजिक सञ्जाल प्रयोग गर्दा ध्यान दिनुपर्ने कुरा ः
– शीर्षककै आधारमा वा मन परेकै आधारमा लाइक, सेयर र कमेन्ट नगरौं,
– सूचनाको विश्वसनीयता जाँच गरौँ,
– निर्वाचनमा प्रभाव पार्ने उद्देश्यले कसैले पनि सामाजिक सञ्जालमा झुटा साइट र एकाउन्ट सञ्चालन नगरौं,
– निर्वाचनलाई प्रभाव पार्ने उद्देश्यले होच्याउने, अपमान गर्ने, द्वेषपूर्ण अभिव्यक्ति (हेट स्पीच) दिने जस्ता कार्य नगरौं,
– कुनै प्रयोजनको लागि प्रकाशन वा प्रसारण भएको सूचना वा सामग्रीलाई निर्वाचनमा प्रभाव पार्ने उद्देश्यले तोडमोड गरी÷गराई सामाजिक सञ्जालमा शेयर वा लाइक वा कमेन्ट नगरौँ,
– कसैको चरित्र हत्या हुने, व्यक्तिगत लाञ्छना लगाउने, मानहानी हुने वा यस्तै प्रकृतिका सामग्री कुनै स्वरूपमा
उत्पादन गर्ने तथा त्यस्ता सामग्री कुनै माध्यमबाट प्रकाशन वा प्रसारण नगरौँ ।