हेटौंडा – काठमाडौंको तिलगंगा नजिकै बसको ठक्करबाट मोटरसाकल चालकको मृत्यु भएको छ भने पछाडी सवार युवती भने घाईते भएकी छिन् ।
स्याङजाको कालिगण्डकी नगरपालिका ४ घर भइ हाल काठमाडौँको नयाँबानेश्वर बस्ने ३० वर्षिय माधव पाण्डेको उपचारको क्रममा काठमाण्डौ मेडिकल कलेज सिनामङ्गलमा मृत्यु भएको प्रहरीले जनाएको छ ।
दुर्घटनामा घाईते भएकी मोटरसाईकलमा पछाडी सवार रामेछाप घर भएकी २६ वर्षिया गंगामाया मगरको सोही अस्पतालमानै उपचार भैरहेको प्रहरीले जनाएको छ ।
एयरपोर्टबाट गौशला तर्फ जाँदै गरेको बा ९२ प ३१ २० नम्बरको मोटरसाईकललाई मंगलबर दिउँसो पौने १ बजे सोही दिशा तर्फ जादै गरेको बा ४ ख ९३ ९६ नम्बरको बसले पछाडीबाट ठक्कर दिएको थियो।
दुबै सवारी साधन र बस चालकलाई नियन्त्रणमा लिएको प्रहरी वृत्त गौशलाले जानकारी दिएको छ ।
