कल्याणपुर – सप्तरीमा एक वर्षको अवधिमा विभिन्न जलासयमा डुबेर ३२ जनाको मृत्यु भएको छ । जिल्ला प्रहरी कार्यालय सप्तरीको तथ्याङ्कअनुसार आर्थिक वर्ष २०७८/०७९ मा जिल्लाका विभिन्न पोखरी, खाल्डा तथा नहरमा डुबेर उनीहरूको मृत्यु भएको हो । सो अवधिमा २९ वटा पानीमा डुबेको घटनामा २२ जना बालबालिका, एक जना पुरुष र नौ जना महिला छन् ।
पछिल्लो पटक असार २८ गते दुई छुट्टाछुट्टै घटनामा नुहाउने क्रममा दुई जनाको मृत्यु भएको थियो । गर्मी छल्न पोखरीमा नुहाउने क्रममा डुबेर कञ्चनरूप नगरपालिका–५, पिपरापूर्वस्थित पोखरीमा डुबेर जीवन सदाकी १३ वर्षीया छोरी सेलरी सदाको मृत्यु भएको थियो । त्यस्तै डाक्नेश्वरी नगरपालिका–५, मुसहरीको पोखरीमा डुबेर ३० वर्षीय युवक रामउदगार सदाको मृत्यु भएको थियो ।
