काठमाडौँ – मोरङको पथरीशनिश्चरे नगरपालिका–१ स्थित सडकमा ट्रकले मोटरसाइकललाई शनिबार बिहान ठक्कर दिँदा मोटरसाइकल चालकको मृत्यु भएको छ ।
ना.४ ख ७०७४ नम्बरको ट्रकले प्र.१–०२–०५३प ५५२८ नम्बरको मोटरसाइकललाई ठक्कर दिँदा मोटरसाइकल चालक सोही नगरपालिका१० बस्ने ५५ वर्षीय श्रीकुमार काङवाको मृत्यु भएको प्रहरीले जनाएको छ ।
प्रहरीका अनुसार दुर्घटनामा गम्भीर घाइते भएका उनको मदन भण्डारी अस्पताल ट्रमा सेन्टर उर्लाबारीमा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।
