काठमाडौं – उपराष्ट्रपति कार्यालयका सचिव टेकनारायण पाण्डे पक्राउ परेका छन् । उपराष्ट्रपति कार्यालयमा कार्यरत उनलाई जिल्ला प्रहरी परिसर, काठमाडौंले बधुबार नियन्त्रणमा लिएको हो।
काठमाडौंको जडीबुटीबाट उनी नक्कली भुटानी शरणार्थी प्रकरणमा पक्राउ परेको प्रहरीले जानकारी दिएको छ । गृह मन्त्रालयमा कार्यरत रहँदा नेपालीलाई नक्कली भुटानी शरणार्थी बनाएर विदेश लैजाने प्रकरणमा संलग्न भएको आरोपमा उनी पक्राउ परेका हुन् ।
पाण्डेले २०७८ साउन २७ देखि २०७९ असोज २ सम्म गृह सचिवको जिम्मेवारी सम्हालेका थिए ।
