हेटौंडा – दिगो आर्थिक श्रोतको जोहोका लागि बैदेशीक रोजगारीमा पुगेर वेपत्ता भएका, ज्यान गुमाएका र शारिरीक अशक्त परिवारका वालबालिकालाई शैक्षिक सामग्री हस्तान्तरण गरिएको छ ।
रोजगारीको शिलशिलामा बिभिन्न मुलुकमा पुगे पनि कामको शिलशिलामा बिदेशमा हराएका र अशक्त भएकाहरुको परिवारलाई सरकारको मातहत रहेको बैदेशीक रोजगार बिभाग र बोर्डबाट आर्थिक सहायता र राहतको सुचिमा नपरेका परिवारलाई हेटौंडा उपमहानगरका प्रमुख मिनाकुमारी लामाले शैक्षिक सामग्री हस्तान्तरण गरेकी हुन् ।
सुरक्षित बैदेशीक रोजगारीका लागि हेटौंडा उपमहानगरपालिकामा सञ्चालनमा रहेको सुरक्षित आप्रवासन ९सामी० कार्यक्रमले अन्तराष्ट्रिय आप्रवासी श्रमिक दिवसको सन्दर्भ पारेर सरकारी सुबिधाबाट बञ्चीत रहेका पारिवारको ९ जना छात्रछात्रालाई शैक्षिक सामग्री हस्तान्तरण गरिएको हो । हेटौंडा उपमहानगरपालिकाको बिभिन्न बिद्यालयमा अध्ययनमा रहेका छात्रछात्रालाई अध्ययनमा सहयोगका लागि झोला सहित कापी कलम, कलर बक्स, जुत्ता सहितको सामग्री बितारण गरिएको हो । सामीले छात्रछात्राको आवश्यताको आधामार सामग्रीहरु बितरण गरेको बताइएको छ ।
सामग्री हस्तान्तरण गर्दै हेटौंडा उपमहानगरपालिकाका प्रमुख लामाले देशको आर्थिक श्रोतलाई बलियो बनाउँनका लागि बैदेशीक रोजगारीमा गएका परिवारका वालबालिकालाई सहयोग गर्नुले उनिहरुको शैक्षिक गुणस्तरमा मदत पुग्ने बताइन् । बैदेशीक रोजगारीको शिलशिलामा बेपत्ता भएका र शारिरीक रुपमा अशक्त भई काम गर्न नसक्ने अवस्थाका व्यक्तीको लागि सहयोगि बन्न उपमहानगर तयार रहेको उनले बताइन् ।
पिडामा रहेका बालवालिकाको अध्यापन र शैक्षिक गुणस्तर बृद्धिमा सहयोग गर्न उपमहानगरपालिका तयार रहेको भन्दै नगर प्रमुख लामाले सधै सहयोगी बनेर अघि बढ्ने प्रतिबद्धता जनाइन् । कार्यक्रममा हेटौंडा उपमहानगरपालिका १६ का अध्यक्ष तथा सामाजिक बिकास समितिका संयोजना रामकृष्ण कोइराला, हेटौंडा उपमहानगरपालिका सामाजिक बिकास महाशाखा प्रमुख भिमप्रसाद तिमल्सीनाको उपस्थिती रहेको थियो ।
