काठमाडौँ । दरबारमार्गमा लिफ्ट बनाउने क्रममा चार तलाबाट खसेर २ मजदुरको मृत्यु भएको छ।
मृत्यु हुनेहरूमा कैलाली घर भएका ३० वर्षका प्रदेशी चौधरी र बर्दिया घर भएका २० वर्षका विशाल चौधरी रहेको जिल्ला प्रहरी परिसर काठमाडौँका प्रवक्ता, प्रहरी उपरीक्षक अपीलराज बोहराले थाहाखबरलाई जानकारी दिए।
उनका अनुसार घटना साँझ ५ बजेतिर भएको हो। लिफ्टमा बसेर ग्रिज लगाउँदै गर्दा सिक्री चुँडिएर उनीहरूको मृत्यु भएको प्रहरीले जनाएको छ।
दरबारमार्गस्थित हिटीपोखरी नजिक पोतला डेभलप्मेन्ट प्रालिले बनाउँदै गरेको ९ तले पक्की घरको चौथो तलाबाट उनीहरू खसेका थिए।
