काठमाडौं – छैटौं संस्करणको महिला साफ च्याम्पियनसिप अन्तर्गत शुक्रबार दुवै सेमिफाइनल खेल हुँदैछन्।
दशरथ रंगशालामा दिउँसो १ बजे सुरु हुने खेलमा समूह ए को विजेता बंगलादेशले समूह बी को उपविजेता भुटानको सामना गर्नेछ।
यता, दोस्रो सेमिफाइनल खेलमा साफको २५ औं खेलमा पहिलो पटक हार बेहोरेको भारत र नेपाल भिड्ने छ । खेल साँझ ५:३० बजेबाट सुरु हुनेछ ।
समूह बी को नेपालले २ खेलमा ६ अंक जोडेको थियो । नेपाल समूह चरणमा विजेता बनेको थियो । उता, भारतले समूह ए को उपविजेता बन्दै नेपालसँगको भेट पक्का गरेको थियो । समूह चरणको अन्तिम खेलमा भारतले बंगलादेशसँग ३–० को हार व्यहोरेको थियो ।
भुटानले पहिलो पटक सेमिफाइनलमा स्थान बनाएको छ भने साफमा पनि पहिलो पटक जित निकालेको छ। उसले समूह चरणको अन्तिम खेलमा श्रीलंकालाई ७–० ले हराउँदै सेमिफाइनलमा स्थान बनाएको थियो।
1732502112.jpg)
1710209405.jpg)
