काठमाडौं – नेकपा एमालेले आफ्नो भागमा परेका मन्त्रीको नाम फाइनल गरेको छ । अध्यक्ष केपी शर्मा अोलीको निवास बालकोटमा भएको शीर्ष नेताको छलफलपछि मन्त्रीको नाम फाइनल भएको हो ।
प्रकाशित समाचार अनुसार एमालेले परराष्ट्र मन्त्रालयमा डा.विमला राई पौडेल र स्वास्थ्य मन्त्रीमा पदम गिरीलाई पठाइएको छ । एमालेका बिष्णु प्रसाद पौडेल उपप्रधान तथा अर्थमन्त्री यसअघि नै बनिसकेका छन्।
त्यस्तै रक्षा मन्त्रालयमा हरि उप्रेती, कृषि मन्त्रालयमा ज्वाला कुमारी साह, महिला बालबालिका मन्त्रालयमा भगवती चौधरी, उद्योग वाणिज्य तथा आपूर्ति मन्त्रालयमा दामोदर भण्डारी र भूमि व्यवस्था तथा सहकारी मन्त्रालयमा राजेन्द्र राईलाई पठाइएको छ ।
सत्ता साझेदार दलमध्ये एमालेले सबैभन्दा बढी ८ वटा मन्त्रालय पाएको छ भने माओवादीले ३ वटा पाएको छ । रास्वपा र राप्रपाले तीन तीनवटा मन्त्रालय पाउँदा जसपाले भने २ वटामा असहमति जनाएको छ । त्यस्तै जनमत पार्टीले एउटा मन्त्रालय पाएको छ । रास्वपा र राप्रपाले एक–एक राज्यमन्त्री पनि पाएका छन् ।
२ वटा मन्त्रालय पाएको जसपाले भने नाम टुंगो लगाएको छैन । सत्ता साझेदार दलहरुले मन्त्रीहरुको नाम टुंगो लगाएर प्रधानमन्त्री पुष्पकमल दाहाल प्रचण्डलाई बुझाएका हुन् । नवनियुक्त मन्त्रीहरुको अहिले केहीबेरमा राष्ट्रपति भवन शीतल निवासमा सपथग्रहण हुँदैछ ।
प्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्ड, एमाले अध्यक्ष केपी शर्मा ओली लगायत उच्चस्तरीय राजनीतिक संयन्त्रको बैठकले राष्ट्रपति, उपराष्ट्रपति, सभामुख र उपसभामुखसहित मन्त्रालय भागवण्डा टुंगो लगाएको थियो ।
यस्तो छ प्रचण्ड नेतृत्वको प्रस्तावित मन्त्रिपरिषद
प्रधानमन्त्रीः पुष्पकमल दाहाल
उपप्रधानमन्त्री :
बिष्णु प्रसाद पौडेल, अर्थ
नारायणकाजी श्रेष्ठ, भौतिक पुर्वाधार
रवि लामिछाने, गृह
राजेन्द्र लिङदेन, उर्जा
मन्त्रीहरु :
एमालेबाट
पदम गिरी, स्वास्थ्य
डा. विमला राई पौडेल, परराष्ट्र
हरि उप्रेती, रक्षा
ज्वाला कुमारी साह, कृषि
भगवती चौधरी, महिला बालबालिका
दामोदर भण्डारी, उद्योग वाणिज्य तथा आपूर्ति मन्त्रालय
राजेन्द्र राई, भूमि व्यवस्था तथा सहकारी
माओवादीबाट
रेखा शर्मा, सञ्चार
सुदन किराती, पर्यटन
अमनलाल मोदी, सामान्य प्रशासन
रास्वपाबाट
शिशिर खनाल, शिक्षा
डिपी अर्याल, श्रम तथा रोजगार
राप्रपाबाट
विक्रम पाण्डे, सहरी विकास
ध्रुव प्रधान, कानून
जनमतबाट
अब्दुल खान,
राज्यमन्त्री
डा. तोसिमा कार्की, स्वाथ्य
दिपकबहादुर सिंह, ऊर्जा
