हेटौंडा – मकवानपुर प्रहरीले लागुऔषध र नगद सहित एक युवकलाई पक्राउ गरेको छ । पक्राउ पर्नेमा हेटौंडा उपमहागरपालिका वडा नं. १४ घर भई हेटौंडा–२ मा डेरा गरी बस्ने बर्ष २१ को अजय गोले रहेका छन् ।
गोलेको साथबाट लागुऔषध डाईजेपाम ५८ एम्पुल, फेनारगन ५७ एम्पुल, नफिन ५७ एम्पुल गरी १७२ एम्पुल, नाईट्रोभेट ८१ ट्बलेट, ३ बोतल, २१ क्याप्सुल र नगद रु। २९ हजार ६ सय ५० बरामद भएको जिल्ला प्रहरी कार्यालय मकवानपुरले जनाएको छ ।
लागुऔषध र नगद सहित पक्राउ गरी थप अनुसन्धान भईरहेको प्रहरीले जनाएको छ ।
