हेटौंडा – हेटौंडाको एक वडामा २ सय ५९ जना नेकपा एमालेमा प्रवेश गरेका छन् । नेकपा एमाले हेटौंडा उपमहानगरपालिका १८ नं वडा कमिटीद्वारा आयोजित पार्टी प्रवेश कार्यक्रममा मंगलबार राप्रपा नेपालका नेता भक्त बहादुर घलान, दिपक पाण्डे र राजन बिश्वकर्माको नेतृत्वमा २५९ जना एमाले प्रवेश गरेका हुन् ।
नवप्रवेशीहरुलाई बागमती प्रदेशको प्रथम मुख्यमन्त्री डोरमणी पौडेल, हेटौंडा उपमहानगरपालिकाका मेयर बहादुर महत र १८ नं वडाका वडा अध्यक्ष अनिल बानियाँले पार्टी प्रवेश गराएका थिए । भक्त बहादुर राप्रपा नेपालबाट ३ पटक वडाअध्यक्ष भइसकेका ब्यक्ति हुन् ।
