हेटौंडा – मकवानपुरको बकैया गाउँपालिका–५ श्रीपुरमा मोटरसाइकलको ठक्करबाट एक बालक घाइते भएका छन् । घाइते हुनेमा स्थानीय ७ बर्षीय डिकेश गोल रहेका छन् ।
धरानचतरा सडक खण्डमा हेटौंडाबाट गरगरे तर्फ आउदै गरेको ना २२ प ५७६ नम्बरको मोटरसाइकलले सडक छेउमा खेलिरहेका गोलेलाई दिएको बागमती प्रदेश प्रहरी कार्यालय हेटौंडाले जनाएको छ ।
घाइते बालकको मकवानपुर सहकारी अस्पतालमा उपचार भइरहेको प्रहरीले जनाएको छ । मोटरसाइकल चालक सिन्धुली हरिहरपुरगढी–३ का रोशन विक प्रहरीको नियन्त्रणमा रहेका छन् ।
