हेटौंडा – हेटौंडा उपमहानगरपालिका–१५ रातोमाटेबाट बिल-बिजकबिना ल्याइएको सामान प्रहरीले नियन्त्रणमा लिएको छ । पूर्व–पश्चिम सडक खण्डमा चेकिङ टोलीले पथलैया तर्फबाट हेटौंडातर्फ आउँदै गरेका तीन सवारी साधनहरूलाई नियन्त्रणमा लिई चेकजाँच गर्दा भन्सार छलि गरी ल्याइएका सामानहरू फेला परेको हो।
बागमती प्रदेश प्रहरी कार्यालय हेटौंडाका अनुसार चेकिङका क्रममा म.प्र.०३-००१ज०५०५ नम्बरको सुमो, WB29B8774 नम्बरको भारतीय बस, र ना७ख १६४१ नम्बरको यात्रुबाहक बसमा बिल-बिजकबिना राखिएका निम्नानुसारका सामानहरू फेला परेका छन्।
फेला परेका सामानहरू:
म.प्र.०३-००१ज०५०५ नम्बरको सुमो (बराबरको मूल्य: रु. १२,०००)
सर्टको कलरमा लगाउने कपडा – ६० प्याकेट
WB29B8774 नम्बरको भारतीय बस (बराबरको मूल्य: रु. १८,०००)
ग्याँस मेसिन – ३ पिस (१०,००० बराबरको)
पटाका (Fireworks) – १२ प्याकेट (८,००० बराबरको)
ना७ख १६४१ नम्बरको यात्रुबाहक बस (बराबरको मूल्य: रु. ५,०००)
बच्चाको खेलौनाहरू (बस, बन्दुक, बेलुन र बल) – १०१ पिस
प्रहरीका अनुसार सामानहरूको कुल मूल्य करिब रु। ३५,००० बराबर रहेको छ। उक्त सामानहरू थप अनुसन्धानको लागि रातोमाटे प्रहरी चौकीमा राखिएको छ भने गाडीहरूलाई गन्तव्यतर्फ पठाइएको छ।
