हेटौंडा – मकवानपुरको बकैया गाउँपालिका वडा नं.४ गोठखोलामा कारको ठक्करबाट साइकलमा सवार एक बालकको मृत्यु भएको छ । मृत्यु हुनेमा स्थानीय ११ बर्षीय निशान बानियाँ रहेका छन् ।
धरान–चौतरा सडक खण्डमा हात्तिसुडेबाट गरगरे तर्फ आउदै गरेको प्रदेश ३–०१–०२४ च १७९६ नम्बरको कारले गरगरेबाट हात्तिसुडेतर्फ जादै गरेको साईकलयात्री निशानलाई ठक्कर दिदा उनी गम्भीर घाइते भएका थिए ।
खुट्टा भाच्चिएको, टाउकोमा चोट लागेर गम्भीर घाइते भएका उनलाई उपचारको लागि हेटौंडा अस्पताल ल्याईएको थियो । उनको उपचारको क्रममा सोमबार दिउँसो २ बजेर ६ मिनेटको समयमा हेटौंडा अस्पतालमै मृत्यु भएको बागमती प्रदेश प्रहरी कार्यालय हेटौंडाले जनाएको छ ।
कार र कार चालकलाई प्रहरीले नियन्त्रणमा लिएको जनाएको छ ।
