हेटौंडा – प्रहरीले काठमाडौं र बाँकेबाट दुई जनालाई लागुऔषध सहित पक्राउ गरेको छ ।
काठमाडौं चन्द्रागिरी नगरपालिका–२ नागढुङ्गाबाट अवैध लागूऔषध खैरोहेरोइन १ ग्राम ३ मिलिग्राम सहित एक युवक पक्राउ परेका छन् । पक्राउ पर्नेमा झापा कन्काई नगरपालिका–४ घर भएका २६ वर्षीय एन्जल उप्रेती रहेका छन् ।
विराटनगरबाट काठमाडौंतर्फ आउँदै गरेको बा.प्र.०३(००१ ख १२०६ नम्बरको बसलाई प्रहरीले जाँच गर्ने क्रममा खल्तीभित्र लुकाइ ल्याउँदै गरेको लागूऔषध खैरोहेरोइन उप्रेतीलाई पक्राउ गरिएको प्रहरीले जनाएको छ ।
बाँके खजुरा गाउँपालिका–१ बिरपुरबाट अवैध लागूऔषध ब्राउनसुगर १० ग्राम सहित एक युवक पक्राउ परेका छन् । पक्राउ पर्नेमा सोही ठाउँ बस्ने ३० वर्षीय दिलिप खनाल रहेका छन् । ईलाका प्रहरी कार्यालय धनौली र प्रहरी चौकी राधापुरबाट खटिएको प्रहरीले जाँच गर्ने क्रममा उक्त ब्राउनसुगर सहित उनलाई पक्राउ गरिएको हो ।
