मकवानपुर – हेटौंडा उपमहानगरपालिका–१६ स्थित शिवम् सिमेन्ट लिमिटेड कम्पनीमा कार्यरत एक मजदुर मेसिन मर्मत गर्ने क्रममा घाइते भएका छन्। घटना मर्मतको क्रममा ४० वर्षीय सिकिन्दर माझी, जो भारतको बिहार राज्यको गोपालगञ्जका बासिन्दा हुन्, अचानक मेसिनबाट लड्दा घाइते भएका हुन्।
उक्त घटनामा सिकिन्दर माझीको टाउको र दाहिने हातमा चोट लागेको छ। उनलाई तुरुन्तै हेटौंडास्थित चुरेहिल अस्पतालमा उपचारका लागि ल्याइएको थियो, जहाँ उनको अवस्था मध्यम रहेको अस्पतालले जनाएको छ। घाइते मजदुरको उपचारमा शिवम् सिमेन्ट कम्पनीका म्यानेजर राम कुमार कडेंल र माझीका भाई अशोक माझी संलग्न रहेका छन्।
