हेटौंडा – धरान चतरा सडकखण्ड अन्तर्गत मकवानपुर बकैया गाउँपालिका–४ छतिवनमा ट्याक्टर दुर्घटना हुँदा एक जनाको मृत्यु भएको छ ।
मृत्यु हुनेमा ट्याक्टरमा सवार बागमती गाउँपालिका–५ बगेरि बस्ने २७ वर्षीय सत्यमान घिसिङ रहेको जिल्ला प्रहरी कार्यालय मकवानपुरले जनाएको छ ।
हेटौंडाबाट हातिसुडेतर्फ जादै गरेको बा.प्र.०३–००१ त ३४१ नम्बरको ट्याक्टर आफै अनियन्त्रित भई सडकमा दुर्घटना हुँदा घिसिङको घटनास्थलमै मृत्यु भएको मकवानपुर प्रहरी प्रवक्ता प्रहरी नायव उपरीक्षक टेक बहादुर कार्कीले बताए ।
ट्याक्टरमै सवार बागमति गाउँपालिका–५ बगेरिकै ३५ को दमै सिङ सिन्तान घाइते भएका छन् । उनको हेटौंडा अस्पतालमा उपचार भइरहेको प्रवक्ता कार्कीले जानकारी दिए ।
सांकेतिक तस्वीर
