हेटौंडा – मकवानपुरको हेटौंडा उपमहानगरपालिका वडा नं.१३ ठुलोथलीमा एक घरमा सिलिण्डर ग्यास लिक भएर आगलागी भएको छ । जिल्ला प्रहरी कार्यालय मकवानपुरका अनुसार बुधबार साँझ ७ बजेर १५ मिनेटमा स्थानीय सन्त बहादुर बज्यूको घरमा जोडिएको भान्सामा सिलिण्डर ग्यास लिक भएर आगलागी भएको हो ।
आगलागी हुँदा भान्सा घरभित्र रहेको अन्नपात, भाडावर्तन, तत्ताकपडा, फर्निचरका समानहर जलेर नष्ट भएको प्रहरीले जनाएको छ । प्रहरीका अनुसार आगलागीबाट पाँच लाख बराबरको क्षति भएको छ । भान्सा घरमा लागेको आगो निभाउने क्रममा घरधनी सन्त बहादुर बज्यू घाइते भएका छन् ।
उनको बाँया हात र टाउकोमा आगोले पोलेको छ । उनको स्थानीय क्लीनकमा उपचार गरिएको र स्वास्थ्य अवस्था सामान्य रहेको प्रहरीले जनाएको छ । साँझ ७ बजेर १५ मिनेटमा लागेको आगो हेटौंडा उपमहानगरपालिकाको दमकल, प्रहरी र स्थानीयको सहयोगमा करिब आधा घण्टापछि नियन्त्रणमा लिईएको थियो ।
सांकेतिक तस्वीर
1689905394.jpg)
1688952706.jpg)
