काठमाडौं – बंगलादेशमा जारी यू–१५ महिला साफ च्याम्पियनसिप फुटबलमा नेपालले विजयी सुरुआत गरेको छ ।
ढाकामा बिहीबार भएको खेलमा भुटानलाई ७–० गोलको फराकिलो अन्तरले हराउँदै नेपालले सुखद सुरुआत गरेको हो ।
नेपाललाई फराकिलो जित दिलाउनका लागि ४ गोल गरिन् । शुक्रिया मियाँले दुई तथा सेनु परियारले एक गोल गरिन् ।
पहिलो गोल बर्षाले खेल सुरू भएको २५ सेकेण्डमै भुटानविरुद्ध गोल गरेकी थिइन् । उनले कप्तान दीपा रोकायले दिएको पासमा गोल गरेकी हुन्।
जितसँगै नेपालले पहिलो खेलमै ३ अंक जोडेको छ । नेपाल दोस्रो स्थानमा रहेको छ ।
भुटानको यो लगातार दोस्रो हार हो । उद्घाटन खेलमा भुटानलाई बंगलादेशले ८–० गोल अन्तरले हराएको थियो ।
अब नेपालले दोस्रो खेलमा बंगलादेशसँग शनिबार खेल्नेछ । च्याम्पियनसिपमा आयोजक बंगलादेशसँगै नेपाल र भुटानको सहभागिता रहेको छ ।
डबल राउण्ड रोबिन लिगको आधारमा हुने प्रतियोगिताको शीर्ष टोलीले उपाधि जित्नेछ ।
