हेटौंडा – मकवानपुरको हेटौंडा उपमहानगरपालिका वडा नं.१० स्थित राप्तिखोलामा डुवेर एक जनाको मृत्यु भएको छ । मृत्यु हुनेमा अन्दाजी २०–२२ बर्षीय युवक रहेका छन् । उनको नामथर वतन नखुलेको छैन ।
जिल्ला प्रहरी कार्यालय मकवानपुरका अनुसार मंगलबार विहान राप्तिपुल नजिकै ३–४ जनाको समुहमा पौडी खेल्ने क्रममा ती युवक डुबेका थिए । प्रहरीले उद्धार गरी उपचारका लागि हेटौंडा अस्पतालमा लगेको चिकित्सकले मृत घोषणा गरेको मकवानपुर प्रहरी प्रवक्ता एवं प्रहरी नायव उपरीक्षक टेक बहादुर कार्कीले बताए ।
मृतक युवकसंगै पौडी खेल्न गएका ४ जना युवकलाई सोधपुछका लागि नियन्त्रणमा लिईएको प्रवक्ता कार्कीले बताए । उनले घटनाको बारेमा अनुसन्धान भइरहेको बताए ।
