हेटौंडा – हेटौंडा उपमहानगरपालिकाको ५१ हजार १११ मतगणना हुँदा मेयर पदमा गठबन्धनतर्फबाट नेकपा एकीकृत समाजवादीकी उम्मेदवार मिना लामा अगाडि लागेकी छन् । उनले १५ हजार ८२६ मत प्राप्त गरेकी छन् ।
नेकपा एमालेका मेयर पदका उम्मेदवार अनन्त पौडेलले १४ हजार ९७६ मत प्राप्त गरेका छन् । यसैगरी राप्रपाका दिपकबहादुर सिंहले १४ हजार ४१७ मत प्राप्त गरेका छन् ।
यसैगरी उपमेयरमा गठबन्धनबाट काङ्ग्रेसका उम्मेदवार राजेश बानियाँले २३ हजार २ मत प्राप्त गरेका छन् । एमालेकी सुमित्रा काफ्ले १६ हजार ७३५ मत प्राप्त गर्दा राप्रपाकी उपमेयरका उम्मेदवार इन्दिरा न्यौपानेले ३ हजार ५९४ मत प्राप्त गरेकी छन् ।
