काठमाडौं – भारतको मुम्बईस्थित नेसनल बर्न सेन्टरमा उपचाररत प्रतिनिधि सभा सदस्य तथा नेपाली कांग्रेसका नेता डा. चन्द्रकान्त भण्डारीको स्वास्थ्यमा सुधार आएको छ ।
डा. भण्डारीको उपचारका क्रममा अस्पतालमा रहनुभएका सहयोगी योगराज कँडेलका अनुसार स्वास्थ्यमा सुधार हुँदै गएको र दोहोरो कुराकानी गर्न थाल्नुभएको छ ।
उपचारमा संलग्न डा. सुनील केशवाको भनाइ उद्धृत गर्दै कँडेलले दिएको जानकारीअनुसार डा. भण्डारीले पहिलो पटक दोहोरो कुराकानी गर्दै उपचारमा संलग्न चिकित्सकहरूलाई धन्यवाद व्यक्त गर्नुभएको थियो ।
चिकित्सकले डा. भण्डारीको स्वास्थ्य अवस्था क्रमिक रूपमा सुधार हुँदै गएको र थप उपचारका लागि अझै तीन दिनसम्म आईबीसीयू (इन्टेन्सिभ बर्न केयर युनिट)मा नै राखेर उपचार गर्ने जनाएका छन् ।गोरखापत्र दैनिकबाट
