हेटौंडा – मकवानपुरको राक्सिराङ्ग गाउँपालिका वडा नं.६ सिलिङ्गेमा पानीमा डुबेर ३ बर्षीया बालिकाको मृत्यु भएको छ । मृत्यु हुनेमा स्थानीय शेर बहादुर प्रजाको ३ बर्षीया छोरी रहेकी छिन् । उनको नाम खुलेको छैन ।
जिल्ला प्रहरी कार्यालय मकवानपुरका अनुसार शनिबार साझँ घरदेखि करिब २० मिटरको पर रहेको पानी ट्याङकी बनाएको पुरानो खाल्टोमा जमेको पानीमा डुबेर नाबालिकाको मृत्यु भएको हो ।
जनप्रतिनिधिबाट खबर प्राप्त भएपछि घटनास्थलमा इलाका प्रहरी कार्यालय मनहरीको टोली पुगेको बताईएको छ ।
