हेटौंडा – आर्थिक अनियमितताको बिवादमा परेको जिल्ला फुटबल संघ मकवानपुरलाई बामगती प्रदेश सरकारले मोटो बजेट विनियोजन गरेको छ । प्रदेशको सामाजिक विकास मन्त्रालयले प्रदेशको खेलकुद विकास परिषदबाट कार्यान्वयन हुने गरी ५० लाख बजेट छुट्याएको हो ।
फुटबल संघ मकवानपुरको आयोजनामा गत जेठमा चौथो संस्करणको स्थानीय तह सहिद स्मृति मकवानपुर गोल्डकप फुटबल प्रतियोगिता भएको थियो । ११ दिन सञ्चालन भएको उक्त प्रतियोगितामा १ करोड ९ लाख ६७ हजार खर्च भएको आर्थिक बिवरण सार्वजनिक गरेपछि संघ आर्थिक अनियमितताको घेरा बन्दीमा परेको थियो ।
सो बिषयमा छानबिन गरी सत्यतथ्य हिसाबकिताब सार्वजनिक गर्न माग गर्दै खेलकुदमा अबद्ध क्लबका पदाधिकारीहरुले हेटौंडा उपमहानगरपालिका, जिल्ला समन्वय समिति मकवानपुर र प्रदेशकै सामाजिक विकास मन्त्री कुमारी मोक्तानलाई समेत ध्यानर्कषण पत्र बुझाएका थिए ।
हेटौंडा उपमहानगरपालिका वडा नम्बर ५ संयुक्त युवा क्बलका संयोजनक विशालराज महत बागमती प्रदेशकी सामाजिक विकास मन्त्री कुमारी मोक्तानलाई ध्यानार्कषण पत्र बुझाउँदै ।
फुटबल संघ मकवानपुरले पाँचौ संस्करणको गोल्डकप सकेपछि चौथो संस्करणको खर्चको बिवरण पादर्शी रुपमा सार्वजनिक गर्ने बताएपनि गरेको छैन । पाँचौ संस्करणको प्रतियोगिता सम्पन्न भएको मितिले एक महिनाभित्र सार्बजनिक गर्ने भने पनि चार महिना वित्दा समेत अतोपत्तो छैन ।
पछिल्ला समय फुटबल संघ मकवानपुर ठुलो प्रतियोगितामा केन्द्रित हुँदा संघकै आयोजनामा हुने जिल्लास्तरको फुटबल प्रतियोगिता भने छप्प जस्तै छ । प्रत्येक बर्ष हुँदै आएको जिल्ला लिग फुटबल विगत चार बर्षदेखि हुन सकेको छैन ।
२०६२/०६३ को जनआन्दोलनमा शाहदत् प्राप्त सहिदहरुको स्मृतिमा २०६४ सालमा हेटौंडामा पहिलो पटक राष्ट्रिय फुटबल प्रतियोगिताको आयोजना फुटबल संघ मकवानपुरले गरेको थियो । करिब ११ बर्षपछि २०७५ सालदेखि यस प्रतियोगितालाई संघकै नेतृत्वमा निरन्तरता दिईदै आएको छ ।
संघले प्रतियोगिता सञ्चालनको अधिकांश रकम जिल्लाको १० स्थानीय तह र प्रदेश खेलकुद विकास परिषदबाट उठाउने गरेको छ । त्यस्तै हेटौंडा स्कुल आफ म्यानेजम्यान्टबाट बुलेट बाईक लिएर प्रतियोगिताको सर्वोउष्कृष्ट खेलाडीलाई वितरण गर्छ भने टिकट विक्रीबाट पानी लाखौँ रकम संकलन गर्ने गरेको छ ।
यो पनि पढ्नुहोस्
स्थानीय तह सहिद स्मृती गोल्डकपमा लाखौँ अदृश्य खर्च, हिसाब नमिले के–के गर्नुपर्छ ?
हेटौंडामा भएको गोल्डकपको हिसाब ७ महिनापछि सार्वजनिक, केमा कति खर्च भयो(विवरणसहित)
