हेटौंडा – मकवानपुरको मनहरी गाउँपालिका वडा नं.९ ज्यामिरेमा मोटरसाइकलको ठक्करबाट एक बालक घाइते भएका छन् । घाइते हुनेमा स्थानीय श्रीकृष्ण पुरीको छोरा बर्ष ५ को रुप पुरी रहेका छन् ।
पूर्वपश्चिम राजमार्ग अन्तर्गत चितवनबाट हेटौंडातर्फ आउदै गरेको भे ८ प ६७८५ नम्बरको मोटरसाइकलले शनिबार साँझ रुपलाई ठक्कर दिएको बागमती प्रदेश प्रहरी कार्यालय हेटौंडाले जनाएको छ । घाइते बालकको तत्काल उद्धार गरी हेटौंडा अस्पतालमा लगिएको थियो ।
हेटौंडा अस्पतालमा उपचार सम्भव नभएपछि शनिबारनै चितवनमा रिफर गरिएको थियो । बालकको टाउकोमा चोट लागेको छ । उनको अहिले पुरानो मेडीकल कलेज भरतपुरमा उपचार भइरहेको प्रहरीले जनाएको छ ।
ठक्कर दिने मोटरसाइकल फरार रहेकोले खोजी कार्य भइरहेको प्रहरीले जनाएको छ ।
