हेटौंडा – मकवानपुरको बागमती गाउँपालिका–८ साततले राजबास पुलमा मोटरसाइकलको ठक्करबाट एक जनाको मृत्यु भएको छ ।
हेटौंडा–फापरबारी सडकखण्डमा फापरबारीबाट हेटौंडातर्फ जादै गरेको बा २५ प १९०८ नम्बरको मोटरसाइकललेठक्कर दिँदा पैदलयात्री बकैया गाउँपालिका–८ खजुरीदमार बस्ने ५० वर्षिय दिल बहादुर स्याङतानको मृत्यु भएको प्रहरीले जनाएको छ ।
प्रहरीका अनुसार आज बिहान ४ बजेको समयमा मोटरसाइकलको ठक्करबाट घाइते भएका स्याङतानलाई हेटौंडा अस्पतालमा उपचारका लागि ल्याइएकोमा डाक्टरले मृत घोषणा गरेका थिए । मोटरसाइकल चालक फरार रहेपनि मोटरसाइकल भने प्रहरीको नियन्त्रणमा रहेको छ ।
