काठमाडौं – आईसीसी क्रिकेट विश्वकप लिग टु अन्तर्गत नेपाल र नामिबियाबीचको खेल भइरहेको छ । त्रिवि क्रिकेट रंगशालामा जारी खेलमा नेपालले नामिवियाले दिएको २ सय ७५ रनको लक्ष्य पछ्याईरहेको छ ।
नामिवियाले दिएको लक्ष्य पछ्याईरहेको नेपालले २९ ओभरमा दुई विकेटको क्षतिमा १ सय ६५ रन जोडेको छ ।
नेपालको लागि पुर्व कप्तान ज्ञानेन्द्र मल्ल तथा ओपनर आसिफ शेखले नेपालको एकदिवसीय अन्तराष्ट्रियको नै सबैभन्दा ठूलो साझेदारी गरेका छन् । उनीहरुका बीचमा दोस्रो विकेटका लागि १ सय ३९ रनको कीर्तिमानी साझेदारी भएको हो ।
ज्ञानेन्द्र मल्ल ७४ बलमा ५ चौका र ३ छक्कासहित ६५ रन बनाएर आउट भएका छन् । आसिफ शेख ९४ बलमा ८० रन र कुशल मल्ल १३ बलमा ७ रनमा क्रिजमा छन् ।
यस अघि नामिबियाविरुद्ध नै कुशल भुर्तेल र रोहित पौडेलले १ सय ३३ रनको शतकीय साझेदारी गरेका थिए । जुन नेपालको ओडिआईमा उच्च थियो ।
